مشترياتي من جولي شيك
ديسمبر 08, 2017
السلام عليكم أخباركم ؟ إن شاء الله تكونون بخير
اليوم بتكلم عن مشترياتي من جولي شيك ...
الصراحه ما كنت ناوية اشتري منه شئ خلال هذة الفترة بس كنت احتاج
ملابس رياضه وفيما كنت اشوف الملابس لقيت البلوزه إلي احلم فيها حافظه صورتها في
جوالي واكثر من صوره بعد كنت مستبعده اني القها بس قلت يمكن القى قماش يشبه لها بس بالصدفه
لقيتها في جولي وبسعر حلو 44 بس و لأن جولي كل فتره يسوون تخفيضات صار عليها
تخفيض وصارت 22 ريال وطلبتها على طول ما قدرت اتحمل واشوف اشياء ثانيه ....
نوع القماش يشبه البلاستيك مره خفيف حتى مدري كيف
تنغسل لانها من كثر ماهي خفيفه اخاف تنقطع وانا اغسلها
طلبي الثاني ........
برا رياضيه حبيت شكلها وجودتها مثل ما تعرفون البرا الرياضيه فيه
منها ثلاث انواع منها الخفيف المناسب للمشي ورياضات خفيفه ومنها متوسط وعالي
للرياضات القويه
حسيت إلي عندي عاليه لانه مريحه في الركض بس ما انصح تخلينها ليوم
كامل مثلا تداومين فيها بتعورك بعد مده واساسا كل البرا الرياضيه كذا يفضل انك
ما تلبسينها طول اليوم بس ما لاحظت كذا على البرا القديمه من ماركه Reebok لانها كانت وسط فكانت
مناسبه اني البسها في الدوام
ثالث طلب .......
البنطلون هذا اختي اخذت يشبه له من زارا بس حبيت حقي أكثر تصميمه حلو وقماشه رياضي و
يصلح للطلعات و لجمعات البنات لو اخترتي توب مناسب. فيه منه اشكال كثيره
شوفوه .........
 |
| صورة للطلب |
هذي طلباتي اتمنى تعجبكم وكنت بطلب حذاء بس كنت خايفه من المقاس ووصلت
لي نصيحه متاخرة وهي اخذي اكبر من مقاسك بدرجه بس للحين انتظر النصيحه الخاصه
بمقاسات الخواتم لاني ابغى اشتري منها بس اخاف يكون مقاسها كبير أو صغير ...
0 التعليقات