السلام عليكم
أخباركم ؟ إن شاء
الله تكونون بخير
الاختبارات قربت
واقدر اتخيل الضغط والتوتر إلي انتم فيه ففكرت اكتب لكم طريقه تساعدكم على المذاكرة
30-10-30
الطريقه هذي بتحافظ
على تركيزك وبتقدرين تخلصين الكتاب بطريقه مريحه وسهله نص ساعه مذاكرة وبعدها تبدأ
استراحه 10 دقايق نصحيه مني شوفي مقاطع تضحك لان الضحك بيساعد انك تحفظين معلومات
اكثر و بيقلل التوتر وهذا المطلوب أو تابعي إلي تحبين وبعدها ارجعي للمذاكره لمدة 30 دقيقه .....
االطريقه الثانيه : التشبيه
حاولي تربطين أو تشبهين التعريف أو الاسم الصعب بشئ من حياتك أو شئ من حولك هذا بيساعدك على التذكر بشكل كبير
كيف تذاكرين المسائل في المواد العلميه :
1- احفظي القانون وافهمي الدرس زين
2- اختاري مسائل مختلفه مره فيها تعويض مباشر
ومره فيها مجهول افهمي طريقه حلها زين
3- اكتبي باقي المسائل في ورقه خارجيه (المسائل هذي ما ذاكرتها ولا شفتي الحل )
وابدئي حلي بدون ما ترجعين للكتاب إذا خلصتي ممكن ترجعين للكتاب علشان تشوفين اخطائك كرري الخطوه هذي اكثر من مره وفي فترات متباعده وبعد كل فصل (وحده) . الطريقه هذي بتساعدك على حل المسائل حتى لو تغيرت الارقام لانك فاهمه الطريقه
المراجعه :
افضل طريقه للمراجعه هي التسميع والنقاط إلي ما تذكرينها تأكدي انك ما حفظتها بشكل صح فارجعي لها وذاكريها .....
لو حسيتي مثلا انك نسيتي الفصل الاول وانتي تذاكرين الفصل الرابع لا تفتحين الفصل الاول بس تكلمي عن الفصل الاول باختصار العناوين المقارنات وش كان يتكلم عنه هذا بيعطيك شعور بالأمان واحساس انك حافظه
وقت الاختبار :
1 – افتحي الورقه
وشوفي الاسئله حتى لو لقيتي سؤال صعب ابتسمي وبعدها ارجعي للصفحه الاساسيه و اكتبي
اسمك
2- ابدئي بحل الاسئله
السهله وخلي الصعب للنهايه بعد ما تحلين كل شئ سهل
3 – سكري ورقتك وسكري
قلمك واسترخي ابدئ تتنفسي شهيق وزفير وابتسمي لأن المعلومه موجوده بس مع التوترهذا ما تذكرينها الطريقه هذي بتقلل التوتر وتحسين انك مسيطره على
الوضع وخلال هالفتره حاول تتذكرين الاجابه ..
معلومات اضافيه :
- اهم شئ نامي قبل الامتحان مو شرط نوم عميق لو غفوه 5 دقايق ولا تفكرين تروحين مواصله قبل كنت اعتقد انها بس كلام مرشده بس مره كنت اذاكر لفتره طويله وكان فيه مقارنات واشياء تلخبط حسيت اني ما ذاكرت وما فيه وقت ارجع اذاكرها صليت الفجر ونمت 4 وقمت 4:30 وحسيت ان المعلومات ترتبت واذكرها.
- الشئ إلي بقوله يحتاج موضوع لحاله بس باختصار عقلنا يصدق كلامنا إلي نقوله علشان كذا قبل تنامين تكلمي مع نفسك بشكل ايجابي انك ذاكرتي زين وسويتي إلي عليك والباقي على الله
طريقي هذي ساعدتني كثير فتره الدراسة واتمنى تنفعكم شاركوا الموضوع مع صديقاتكم وبالتوفيق
