السلام عليكم
أخباركم إن شاء الله تكونون بخير ...
الصراحة أنا اليوم متحمسة مره لان هذي التدوينه بالتعاون مع المدونة الجميله تغريد صاحبة مدونة مسك شوفوا مدونتها جميله جدا حتى انستقرامها روعه كل يوم خميس تنزل ماسك يعني لا يفوتكم دلع نهاية الاسبوع
اليوم بنسوي معكم سكراب ( مقشر ) اخر التدوينه بضيف رابط مدونتها لا تنسون تشوفون مقشرها .....
السكراب هذا متحمسه اسويه بس من سوء الحظ ما عندي زيت جوز الهند والطلب بيطول ليوصل علشان كذا بنزل لكم الطريقه وبقول تجربتي إذا وصل الزيت .....
هذا السكراب ينفع مع البشرة الجافة لان فيه زيت جوز الهند فبيكون هو المرطب , اشفطوا السكراب بعد استخدامه بماء دافئ واستمتعوا بملمس بشرتكم الناعم
المكونات سهله :
نص كأس زيت جوز الهند
نص كوب سكر بني
ملعقة كبيرة قرفه
ملعقتين كبيرة عسل
الطريقة :
له طريقتين إلي ما عندها وقت تحطها كلها مع بعض في الخلاط خليها ثانيتين إلي تحسين كل شئ امتزج مع بعض زين واهم شئ السكر ما يذوب
الطريقة الثانية لراعين الطويلة أول شيء تحطين في الخلاط زيت جوز الهند لكم ثانية ممكن 3 ثواني بعدها تضيفين باقي المكونات (سكر , عسل ,قرفة) وتشغلين الخلاط مرة ثانيه 3 ثواني علشان يمتزج مع بعض
بس انتبهوا تطولون ويذوب السكر وما يكون فيه سكراب
