السلام عليكم ....
أخباركم ؟ إن شاء الله تكونون بخير
بما اننا في الاجازه و اكيد اغلبكم بيسافر فكرت اكتب لكم تجربتي مع موقع BOOKING
الصراحه كنت خايفه انهم نصابين واشياء كثيييره بس قلت خلني اجرب ..
الحلو في الموقع انك تحددين السعر إلي يناسب والموقع وهذي اهم شئ عندي بس خلوني اشرح لكم الموقع بالتفصيل
اول ما يفتح الموقع بيفتح لك نافذة فيها المدينه , تاريخ الوصول , تاريخ المغادة , عدد الافراد , وكم غرفة بعد ما تعبين البيانات اختاري بحث

بتجيك خيارات بالهبل بس إذا حسيتي ان الاسعار ما تناسب مزانيتك على يمين الصفحه تقدرين تتحكمين في السعر وبعد تختاري نوع الفندق 5 نجوم ولا اقل ..




بعد ما تختارين الفندق بتطلع لك صور للغرف وتحتها اراء الناس في الفندق
إذا نزلتي بتلقين معلومات مفيده مره لاني استفدت منها الصراحه خريطه مكتوب فيها المعالم القريبه منك وبعد مكتوب خدمات الفندق



اذا قررتي تحجزين كل الي عليك تختارين الغرف المناسبه لك واختيار
بتجيك صفحه لتاكيد معلوماتك وكتابه ايميلك والسعر مع الضريبه بيكون يمين الصفحه شوفي الاسعار لانه تختلف بدون ضريبه
اذا كنت خايفه من الدفع على النت تقدرين تدفعين اذا وصلتي الفندق بس احيانا فيه فنادق لازم تدفعين من الموقع
في حال حجزتي في الموقع بيرسلون لك فاتوه حمليها علشان تعطينها الاستقبال ...
بس الصدمه هي عروض الموقع انا دفعت اون لاين وجتني رساله ايميل خصم 50 على اماكن روعه بس ما ادري اذا العرض هذا موجود دائما ولا خلص ...
ملاحظه : تاكدوا انه تستخدمون فيزا شخص بيسافر معكم لانه احيانا فيه مواقع ترفض اي احد مستخدم فيزة شخص مو مسافر معكم