السلام عليكم ....
أخباركم ؟ إن شاء الله تكونون بخير وكل عام وانتم بخير
هذي اول تدوينة لي عن العيد و ان شاء الله ما تكون اخر وحدة .... بسم الله نبدأ
نبدا بالصعب .......
اول شئ بتكلم عن الحلاو إلي اخذته طعمه نفس حلاو البقرة بس شكله حلو وحجمة اصغير ينفع للتوزيعات موجود في بندة سعره ريالين و فيه 10 حبات طبعا مو شرط تاخذون نفسه ينفع حلاو kiss او إلي تكون احجامها صغيرة

أول توزيع :
هذا احبه بس متعب مره يحتاج له وقت


نحتاج :
1- صمغ مسدس
2- لاصق يلمع نفس الصورة ( موجود في المكتبات فيه منه اشكل وألوان  أنا اخذت الوردي )
3-شريطه ( ملمسها كأنه ورق ما يكون قماش )
4- واهم شئ الواح خشبيه ( في المكتبه )
4- اعواد اسنان
5- مقص

الطريقه :

 الوردة الاولى :

الخطوة الاولى : اثني الشريطه من النصف بشكل طولي , وصمغي الاطراف بصمغ اصفر علشان ما تتعبين وانتي تشتغلين
الخطوة الثانيه : قصي بشكلي عرضي وخلي فيه مسافة في النهاية , الخطوط العرضيه يكون بينها مسافات متساويه بس لا يكون عريض مره
الخطوة الثالثه : ثبتي بداية الشريطه بالصمغ المسدس على عود الاسنا ن ولفيها زين ممكن في كل مرة تلفين تحطين صمغ بس انا طريقتي احط بالبداية و في النهاية وقصي باقي عود الاسنان .......
* ممكن تستخدمين الوردة على الكوب كيك طبعا قبل نقص عود الاسنان

 الوردة الثانية :

تقريبا هذي و الفوشيه نفس الطريقه

 الخطوة الاولى : اثني الشريطه بشكل طولي , وارسمي عليها اشكال البتلات وبعدها قصيها . البتلة الوحده بتكون ثنتين ليه ؟ لاننا ما راح نقس الطرف المثني اتمنى شرحت هالنقطه زين
الخطوة الثانيه : حطي على عود الاسنان وعلى الشريطه صمغ وابدئ بالضغط على العود ( كرري الخطوات في اماكن مختلفه إلى ان تتكون لك وردة )

الوردة الاخيرة :

الخطوة الاولى : لصقِ الشريطه بشكل طولي ونفس الخطوات إلى قبل كرريها

 النهاية :
نركب الورود على الخشب , ونثبت الحلاو


التوزيع الثاني :
نحتاج :
 1- صمغ مسدس
2-اصداف ( في المكتبه )
3- لؤلؤ ( في المكتبه او في محلات الخياطة

بالصمغ المسدس نثبت اللؤلؤ بالشكل إلي نبغاه , ونضيف الحلاو

 التوزيع الثالث :
اسهل شئ في الحياة

نحتاج :
1- صندوق خشب ( او اي صندوق )
2- ورق طباعه لاصق ( في المكتبه فيه شفاف وفيه ابيض اختاروا إلي تبغون يعتمد على ثيمكم )

الخطوة الاولى : احفظوا الصورة إلي تعجبكم وعدلو بالبرامج هذي
1- picsart  تكلمت عنه قبل دائما استخدمه للتعديل
2- photo  للخط يدعم الخطوط العربيه
في الاخير اطبعوة وحطوه على العلبه سهل , مو شرط صورة ممكن كلام او اي شئ يعجبكم

التوزيع الرابع أو الهدية :
العلبة اعجبتني فقررت استخدمها كعلبة هدية
العلبة من هوم بوكس ب7 ريال , ممكن تحطون فيه اكسسورات ( سلسال , سوارة , حلق ) وتقدم كهدية