السلام عليكم اخباركم ؟ ان شاء الله تكونون بخير
ترددت في اني اكتب هالموضوع بس تحمست لما شفت الانستقرام فيه صور شنط والاعلانات في اليوتيوب فقررت اكتب موضوع بسيط بتكلم فيه عن نصائح وتسريحات شعر ومواقع لاغراض المدرسه ......
في ناس بتكون هذي اخر سنه لهم في الدراسه وناس بتكون هذي اول سنه اختلاف كبير بينهم والنصائح المقدمه لهم .

أول شئ بتكلم مع الطلاب الجدد 

اكيد النصيحه هنا بتكون للأم لان الطفل في المرحله هذي همه اللعب ما راح يكون عنده مفهوم صح عن الدراسه , الضغط الزايد يكرهه في المدرسه
1- افضل انك تكونين مع طفلك اول يوم لانه يعتبر اطول فتره يبتعد عنك وخاصه اذا الطفل خجول بيواجه مشاكل كثير لانه بيئه جديده ,لا تدخلين معه الفصل بس كوني في الساحه علشان يتعود على الفصل وبنفس الوقت يحس بالامان
2- أول ابتدائي اعتبرها اصعب مرحله للأم وللطفل بحيث ان الام تخلق نظام جديد للطفل والتزامات مو متعود عليها واقدر اقول تمارين ذهنيه كثير للطفل ومسؤوليات مو متعود عليها اهتمي بالتأسيس الصحيح للطفل بشكل ممتع لا تضغطي عليه بحيث يكره المدرسه ولا تعطيه راحة ويفشل والأهم لا تستحقرين أو تسخرين من اخطاءه يعني لو نهاية الترم جاء وسألك عن حرف لا تقولين ما درسته الترم الاول هذا يسبب مشكله للطفل وبعدين ما يسأل اي نوع من الاسئله ويعتقد عن الوقت فات انه يتعلم او يصحح بعض المعلومات
3- انا من وجه نظري احب ان الطفل يتعلم الثلاث سنوات الاولى اللغة الام ويفهمها بشكل ممتاز وبعدين اقدر ادربه على لغه ثانيه لاني اسمع ناس يعلمون اطفالهم عربي وانجليزي فيواجه الطفل مشاكل كثيرة ممكن الام تعتقد ان الطفل عندة مشاكل في النطق وتروح لاخصائيه التخاطب وتكتشف ان المشكله ازدواجيه لغه لانه يتعلم لغتين في نفس الوقت
4- تعلمي تكونين صارمه في الدراسه لها وقت محدد ويكون فيه مكافآت وعقوبات علشان يحقق الطفل فائدة اكثر
5- الطفل بيدخل مجتمع مختلف عن الروضه فيه ناس اكبر منه وممكن يتهاوش مع زميله ويتدخل اخوه إلي في سادس وياكثر ما تصير فحاولي تسمعي له وهو يفضفض وحاولي انك ما تتدخلي إلا اذا  كبرت المشكله علمية يعتمد على نفسه في حل مشاكله ممكن تسمعين له وترشدينه
6- اهم نقطه بتساعد الطفل انه يتعلم انجليزي في المستقبل بسهوله خلي طفليك يحب القراءة خليه يقرأ كتب كثيره لو بتسألين وش دخل هذا في الانجليزي جميع لغات العالم تعتمد على اربع مهارات القراءه تعلمه الكتابه , والاستماع يعلمه الكلام والعكس

اما بالنسبه للناس إلي بودعون ثانوي مبروك التخرج من الحين اتمنى انكم خضتوا تجربه ممتعه وغنيه 

انا اشوف ثالث اقل ضغط من ثاني لانك فهمتي النسبه وجربتيها بس بتسبب لك ضغط لو كانت نسبتك في ثاني نازله ,
بس من الحين استعدوا لاختبار القدرات والتحصلي علشان معدلكم ما ينزل في شخص سمعته يقول تعلم اي شئ في 20 ساعه وما اقصد بكذا انك تذاكرين عشرين ساعه متواصله اكيد لا
كل يوم ذاكري وقت محدد واحسبيه إذا كملتي العشرين ساعه بتكونين متمكنه منه بشرط
1-انه تبعدين عنك الاشياء إلي تلهيك جوال تلفزيون اختك تسولف معك
2- اعرفي الاساسيات
بكون صريحه معكم طبقت هذي الطريقه وما نفعت معي كثير لاني ما احس اني اخذ كفايتي من الموضوع بس إلي اطبقه حاليا ولاحظت  نتائجه و هو اني اذاكر ساعه إلى ساعتين يوميا هو المفروض اربع بس زين قعدت ساعتين
هذا بيساعدك انك تذاكرين للقدرات بشكل مريح وبدون ضغط بس كشرط حطي خطه تمشين عليها وفي موقع مركز قياس في اختبارات تجربيه تقدرون تشوفونها

تسريحات الشعر :

طبعا في اغلب المدارس لازم الشعر ملموم الفترة هذي انه حابه الجديله braid فبحط لكم تسريحات لها اكيد وتسريحات ثانيه


ممكن تكون نفس الصورة , ممكن تربيطين شعرك ذيل حصان ponytail

    ممكن تسوين نفس الصوره أو ما تربطينه ( يعني تأخذين نصه )

 

 مواقع للطلب :