السلام عليكم ..
أخباركم ؟ إن شاء الله تكونون بخير
لخبراء التجميل ولمصممين سواء كان فاشن او غيره ،
 بتكلم لكم عن نظرية الالوان  بشكل مختصر واساسي لان فيه انواع كثيره للدوائر الالوان ومعقده بعطيكم الاساس حيث يساعدك في فهم مواضيع الالوان إلي بتقرونها ...
العلماء إلي اخترعوا القوانين والنظريات احسهم عظماء كيف قدروا يخلقون نظام كامل , نظرية الالوان شهدت تطورات كثيره من بدايتها حتى وصلت لشكلها الحالي ما راح ادخل بتفاصيل التطوير واسماء العلماء إلي طورها لسببين الاول ما اعتقد ان هالمعلومات بتفيدك في الحياة العامه والثاني ما ابغى اطول عليكم بالتفاصيل إذا حبيتوا تكلمت عنها في مواضيع ثانيه
 إيمبيدوكليس (empedocles) فيلسوف يوناني قديم 492-431 قبل الميلاد يعني قديم مره تعتمد أن اللون ليس ملك للكائن ولكن موجود في عين المشاهد بعد سنوات اثبت نظريته بأنه نتيجه تلقي العين للون ينعكس ( يتجه ) الون للدماغ ويفسره اكيد اللون يعتمد على نوع الضوء المسلط عليه العلم إلي يدرس الالوان اسمه ( Chromatics)...
 بالنسبه للدائره تعتبر الاساس لجمع الألوان اول تصميم للدائره كان بواسطه اسحاق نيوتن عام 1666 .. ( يعني ما شاء الله نيوتن طالع لنا في كل مكان 😂 )


قسمت الموضوع على خمس اساسيات ( تقسيم دائرة الألوان , الالوان الاوليه والثانويه والثلاثيه ,  الفرق بين

الاساس الأول 

تقسيم دلئره الالوان (البارد ، الدافئ ) :

دائره الالوان تنقسم بشكل اساسي لبارد و دافئ
البارد يعبر عنه باللون الازرق ايضا تعطي انطباع عن الهدوء وانطباع مريح
الدافئ يعبر عنه باللون البرتقالي الاللوان الدافئة تعطي انطباع  حيويه ونشاط
افضل مثال سمعته شرح للبارد والرافئ (انه مافيه لون اضيفه على البرتقالي يكون دافئ اكثر ولا فيه لون اضيفه على الازرق يخليه بارد اكثر لو اضيف على الاحمر ازرق بيكون بارد ولو اضيف عليه برتقالي بيكون دافئ ) الكلام هذا حاولوا تجربونه بالواقع علشان تفهمونه اكثر
طيب وش وضع الابيض والاسود والرمادي في الدائره ؟ يتم اعتبارها الوان محايده

الاساس الثاني :

الوان اوليه : هي الوان لا يمكن صنعها من ألوان أخرى مثل الاحمر و الاصفر و الازرق  بس اقدر اصنع منها الوان اخرى 

الوان ثانويه : نتيجه دمج لونين اساسيين مثلا ازرق + اصفر  = الاخضر 

الوان ثلاثيه : الالوان الثلاثيه نتيجه دمج الالوان الاساسيه و الثانويه