11-12-2018

السلام عليكم
أخباركم ؟ ان شاء الله تكونون بخير
اليوم حابه اكتب هالتدوينه عن يوم ميلادي 24 مع ان ما عندي شئ بس حبيت اكتب عن عمري لان 23 كانت مرحله مليانه وابغى اتذكرها وافضل مكان لهذا هو المدونه لانها كانت اهم جزء في عمري 23 كنت اسعى اطورها اقضي الوقت ابحث واحاول القى مواضيع حلوه وكل شهر احاول اخليه احسن من قبله , اكثر شي احبه بيوم ميلادي هو وقته نهاية السنه الميلاديه في العاده اكتب اهداف لعمري الجاي اقدر اقول خاصه فيني عكس بداية السنه مع ان كل الاهداف تكمل بعض .
السنه هذي صارت اشياء كثيره مع اني كنت خايفه من عمر 23 , تقريبا كل ما شفت احد عمره 23 يكون مكتئب وطاقته غريبه فخفت من العمر وخاصه اني بديت العمر بمشاعر جدا جدا جدا سيئه ومواقف زفت فكنت اعتقد انه كذا بس كل شئ تغير بدايه 2018 اهدافه واشياء كثير متحمسه اكتبها لكم في تدوينه 2019 .....
بس الاهم والاجمل ان انا بدايه 23 مختلفه تماما عن 24 مدري هل هو نضج ولا تعلمت من الحياه اشياء كثير كنت اعتقد انها فوق طاقتي بس في الواقع كان لازم اعيشها علشان اعرف امكانياتي وقدراتي ..
ان كنت بتدخلين 23 هذا معناه حياة عمليه ما فيه دراسه ولا واجبات فيه استقلاليه.
استمتعوا بلحظات عمركم ولا تهتموا بالرقم هو مجرد حساب لمدة بقاءك في الحياه المهم هو كيف تستغلينه , ما ابغى اتكلم كثير وبعدين تخرب تدوينه 2019 قلت مترابطين جدا علشان كذا الفتره إلي بين يوم ميلادي وبدايه بخليه مثل الاجازه بدون خطط ولا شئ وباكل كل شئ بحرم نفسي منه السنه الجايه 😂 وبس سعيده اني شاركتكم التدوينه هذي

وحابه اشكر وسائل التواصل إلي احتفلت فيني 3 ايام😂 9 ديسمبر احتفلت فيني فيس بوك 10 ديسمبر احتفلت فيني جوجل , 11 ديسمبر احتفل فيني سناب  💛💛 ويقولون الغي وسائل التواصل الاجتماعي !!!!!!


 شكرا لزيارتكم شكرا لوجودكم في حياتي  💛